የእንጉዳይን ምርታማነት  የሚያሳድጉ ተግባራትና ግብዓቶችና

Pleurotus ostreatus

በአሁኑ ግዜ የኦይስተር እንጉዳይ አምራቾች አየበዙ ያለበት ሁኔታ ነው። ኦይስተር ከሌሎች የእንጉዳይ ዓይነቶች አንጻር አመራረቱ ቀላል ቢሆንም ብዙውን ግዜ እንደሚሰማውና እንደሚታየው ግን ብዙ አምራቾች የጠበቁትን ያህል ከማምረት ሥራው ተጠቃሚዎች አይደሉም። ይህም ሊከሰት የሚችልባቸው ምክኒያቶች ዋናው ለእንጉዳይ እድገት በተለይም ለፍሩት ቦዲ እድገት አስፈላጊ የሆኑትን መሰረታዊ የከባቢ ሁኔታዎችን (የሙቀት መጠን፣ የአየር ዕርጥበት መጠን፣ የኦክስጅን መጠን፣ የብርሀን መጠን) ያለሟሟላት ችግር ነው። በዚህም ምክኒያት ጥቂት የማይባሉ የእንጉዳይ አምራቾች ምርታቸውን ሊያጡ የቻሉበት ክስተቶች እንዳለ ግልፅ ነው። ይህም ችግር ከፍተኛ የምርት ዕጦቶትን የሚያስከትል በተለይም ከወቅቶች መቀያየር ተከትሎ የሚከሰተውን ተፈጥሮአዊ የሙቀት መጠንና የአየር ዕርጥበት መጠን መቀያየር (መጨመር ወይንም መቀነስ) አንፃር  አምራቾች ማድረግ ያለባቸውን የእንክብካቤ ለውጥ ማድረግ ሳይችሉ ሲቀሩ ነው።

ከላይ የተገለፀውመሰረታዊ የከባቢ ሁኔታዎችን ማሟላት ምርታማነትን ከመጨመር ረገድ አንዱና ዋነኛው ሲሆን ትክክለኛ የዘር መጠንና የተጨማሪ ንጥረ-ነገር ለጋሽ ማዳበሪያዎችን መጠቀም ምርታማነትን በእጅጉ የማሳደግ ግልጋሎት አላቸው። ይህም ሲሆን በእንጉዳይ በሽታዎችና ተባዮች የሚከሰተውን የምርት ውድመትን መከላከልን ጨምሮ  በእንጉዳይ የማምረት ሥራ ውሶጥ እንደ ዋና ሥራተደርገው መወሰድ እንዳለባቸው መገንዘብ ያሻል።

ከዚህ በታች ያለው ፅሁፍ የእንጉዳይ የዘር መጠንና የንጥረ-ነገር ለጋሽ ግብዓቶች በምርታማነት ላይ ያለቸውን ሚና ይዳስሳል። በመጨረሻም በተባዮች፣በተቀናቃኝና በሽታ አምጪ ፈንገሶች፣ባክቴሪያዎችና ቫይረሶች ሊያደርሱ የሚችሉት የምርተ ውድመት ትኩረት ሊሰጠባቸው የሚገባ እንደሆነ ለማስገንዘብ ቀርቦአል።

1. የስፓውን/ የዘር/ መጠን

የዘር መጠን የሚለካው ለመዘራት ከተዘጋጀው ከእርጥብ ሰብስትሬት አኳያ በፐርሰንት የሚለካ ነው። የዚህ ልኬት መጀመር ምክኒያት የዘር መጠን የእንጉዳይን ማምረት ሂደት ላይ አሉታዊና  አዎንታዊ ተፅእኖዎችን ያዳድራል። የዘር ትክክለኛ መጠን (በፐርሰንት) ለመወሰን ግዜ፣ ከምርታማነትና ከኢኮኖሚ ረገድ የሚሰራ የጥቀምና-የጉዳት ትንተና ያስፈልጋል። የእንጉዳይ ዘር መጠን በእንጉዳይ በማምረት ሂደት ላይ ያለውን ተፈጥሮአዊ ተፅዕኖዎች የተረዳ ማንኛውም የእንጉዳይ አምራች ከላይ የተጠቀሰውን የጥቀምና-የጉዳት ትንተና  ከራሱ አኳያ ሰርቶ መጠቀም ያለበትን የዘር መጠን መወሰን ይችላል።

ብዙ የምርምር ውጤቶች እንደሚያመለክቱት አማካይ የዘር መጠን ከ3-5% ነው። ይህም የዘር መጠን ልከ ውሳኔ በአብዛኛው የዘር መጠን ከምርታማነት ረገድ ያለውን ተፅዕኖ ብቻ ያማከለ ነው። ስለዚህም በሃገራችን ያሉ ብዙ የእንጉዳይ አምራቾች የሚጠቀሙት የዘር መጠን ከላይ ከተጠቀሰው በጣም ያነሰ ነው (1%)። ይህም የሆነበት ምክኒያት የዘር ዋጋ ውድ ስለሆነ ነው።

ብዙ ጥናቶችና ተሞክሮዎች እንደሚያሳዩት 5% የዘር መጠን 1%ን ተጠቅመን ከምናገኘው የእንጉዳይ ምርት በ50% ያህል ይጨምራል። 2.5% የዘር መጠን 1% ተጠቅመን ከምናገኘው የእንጉዳይ ምርት በ16% ያህል ይጨምራል።

የዘር መጠን ማነስ በእንጉዳይ ማምረት ሂደትና ምርታማነት ላይ ያለው አሉታዊ ተፅዕኖ በሁለት መንገድ ይገለጣል።

ሀ. የሻጋታ ጠቀላላውን ሰብስትሬት የሚሸፍንበትን ግዜ ያራዝማል በዚያውም የምርት መሰብሰቢያ ግዜንም እንዲሁ።

ለ. በሻጋታ ያልተሸፈነ ሰብስትሬት (ከላይ በተጠቀሰው የግዜ መራዘም ምክኒያት) በባክቴሪያና በፈንገስ በመበስበስ (በመበላት) እንጉዳይ ከሰብስትሬቱ ማግኘት የሚገባውን ንጥረ-ነገር በማሳጣት ምርታማነትን ይቀንሳል። ፓስቸራይዝ የተደረገ ሰብስትሬት ስተራላይዝድ ከተደረገ ሰብስትሬት ይልቅ ብዙ ዘር ይፈልጋል ምክኒያቱም ስተራላይዝድ የተደረገ ሰብስትሬትባሽና ከሌሎች ጎጂ ህዋሳት ነፃ ስለሆነ የሻጋታ እድገት ግዜ መራዘም ምንም ተፅዕኖ ስለማያመጣ ነው። በተጨማሪም ፓስቸራይዝ በተደረገ ሰብስትሬት የሻጋታ እድገት የሚከናወንበት ቤት የሙቀት መጠን ለሻጋታ እድገት ተመራጭ ከሆነው ከ250C  ወደ 15-200C  ዝቅ ማድረግ በባክቴሪያና በፈንገስ የሚደርሰውን መበስበስ መከላክል ያስችላል።

2. አዝጋሚ የንጥረ-ነገር ለጋሽ ማዳበሪያ

ለዕንጉዳይ ምርታማነትን ለማሳደግ የሚጠቅሙ ብዙ ንጥረ -ነገሮች ቢኖሩም እነዚህን በቀላሉ መጠቀም  ግን አዳጋች ነው። ይህ የሆነበተ ምክኒያት የምንጠቀመው ንጥረ-ነገር ለጋሽ ማዳበሪያ የምናሳድገውን እንጉዳይ ከማፋፋት ይልቅ ሌሎች በሽታ አምጪ ተዋሲያንንና ተቀናቃኝ ፈንገሶችን እድገት በማፋጠን ጭራሹን ምርት እንዳናገኝ የሚያደርግበት ሁኔታ/አጋጣሚ የላቀ በመሆኑ ነው። ከዚህም በተጨማሪ ንጥረ-ነገር ለጋሽ ማዳበሪያ የተደረገለት እንጉዳይ ማሳደጊያ ሰብስትሬት ካልተደረገለት ይልቅ የተለየ እንክብካቤ ያስፈልገዋል።

ለእንጉዳይ ምርታማነት መጨመር የሚውሉ ብዙ አይነት ግብዓቶች ሲኖሩ በተለምዶ ከማሳደጊያ ሰብስትሬት ጋር ተመጥነው የሚጨመሩ እንደ የስንዴ ፉርሽካ የመሳሰሉትንም ይጨምራል። የስንዴ ፉርሽካን ለማዳበሪያነት ለመጠቀም ዋና ሰብስትሬቱና ፉርሽካው በሚፈለገው መጠን (አብዛኛውን ግዜ 10-15%) ከተደባለቁ በሗላ አብረው ስተራላይዝድ መደረግ አለባቸው። ይህ ዘዴ በፓስቸራይዜሽን ስለማይሰራና ስተራላይዝ ማድረጊያ ማሽን ስለሚያስፈልገው ከፍተኛ ወጪን ይጠይቃል።

አሁን አሁን አዳዲስ የምርምር ውጤት የሆኑ ወጤታማነታቸው የተረጋገጠና ለአጠቃቀም ምቹና ቀላል እንዲሁም ፓስቸራይዝድ በተደረገ ሰብስተሬት ላይ መጨመር የሚችሉ የእንጉዳይን ምርታማነት የሚጨምሩ ማዳበረያዎች በገበያ ይገኛሉ። ከእነዚህም ውስጥ አንዱ አዝጋሚ የንጥረ-ነገር ለጋሽ ማዻበሪያ የሚባለው ሲሆን ይህም የደረቅ ሰብስትሬት ክብደትን  ከ3-6% ያህል ይጨመራል። ብዙ ተሞክሮ ያላቸው የእንጉዳይ አምራቾች እንደሚናገሩት የ 6% ማዳበሪያ በማሳደጊያ ሰብስትሬት ላይ መጨመር የኦይስተር እንጉዳይን ምርታማነት እስከ 90% ያህል ከፍ የማድረግ ችሎታ ይኖረዋል (የሚከተለውን ግራፍ ይመልከቱ)። ከዚህም በተጨማሪ የአዝጋሚ የንጥረ-ነገር ለጋሽ ማዻበሪያ ን መጠቀም የምርት ግዜን እስከ 3 ቀን ያህል ያሳጥራል። 

ይህንን ማዳበሪያ ለመጠቀም የሚያስቡ የእንጉዳይ አምራቾች አንድሊያስተውሉት የሚገባ ሁኔታ አለ። ይህም ማዳበሪያ የተደረገበት የእንጉዳይ ማሳደጊያ ሰብስትሬት ከሌላው የተለየ ከፍተኛ ሙቀት ይኖረዋል። የሙቀት መጨመር መጠንም ከተጠቀምነው የሰብስትሬት መጠን ጋር ቀጥተኛ ተያያዥነት አለው። ይህ ከፍተኛ ሙቀት ዝም ከተባለ ሻጋታን እድገት ለገታ ስለሚችል ይንን ማዳበሪያ የሚጠቀሙ አምራቾች ይህን የሰብስትሬት ከፍተኛ ሙቀት የሚከላከሉበት መንገድ ሊኖራቸው ይገባል። ይህም የሰብስትሬቱንና እንዲሁም የጨለማ ቤትን የአየር ሙቀት ዝቅ ማድረጊያ መንገዶችን መፈለግ ይኖርባቸዋል። 

  1. በሽታ አምጪህዋሳትን፣ ተቀናቃኝ ፈንገሶችንና ተባዮችን መከላከልና መቆጣጠር

የእንጉዳይን ሞርታማነት የሚቀንሱ ችግሮችን መቅረፍ በራሱ ምርታማነትን መጨመርና ከሥራውም የምናገኘውን ትርፍ ማስጠበቅ እንደሆነ ለሁሉም ግልፅ ነው። የእንጉዳይን ምርታማነት የሚቀንሱ ችግሮች በባክቴሪያና በቫይረስ የሚከሰቱ በሽታዎች፣ ይንጉዳይን ምግብን የሚሻሙ ተቀናቃኝ ፈንገሶችና ሻጋታንና የእንጉዳይን ፍሩት ቦዲ በመብላት የሚጉዱ ተባዮች ናቸው። 

ሰንጠረዥ 1. የሚከተለው ሰንጠረዥ የእንጉዳይን እድገት ከሚያደናቅፉና ምርታማነትን የሚያሳንሱ ዋና ዋና የእንጉዳይ በሽታ አምጪ ህዋሳትና ተባዮችን ይገልፃል።

ምድብ የበሽታ/የጉዳት መንስኤ የሚያጠቃው  እድገት ደረጃ የሚያስከትለው ጉዳት የሚያስከትለው የምርት ውድመት
ሞሉስክ ስለግ (Slug) ፍሩት ቦዲ በማደግ ላይ ያሉ  ፍሩት ቦዲዎችን በመመገብ
አርትሮፖድስ ምስጥ ሻጛታ የሻጛታን ዋና ምግብ የሆነውን ሴሉሎስን በመመገብ 80-90%
ሸረሪት ፍሩት ቦዲ በማደግ ላይ ያሉ  ፍሩት ቦዲዎችን በመመገብ
ፈንገስ ናት ላርቫ (fungus gnat larva) ሻጋታንና ፍሩት ቦዲ በማደግ ላይ ያሉ  ፍሩት ቦዲዎችንና ሻጋታን  በመመገብ 60-100%
ፈንገስ ተቀናቃኝ ሞልድ የፍሩት ቦዲና የሻጋታ ዕደገትን ምግንን በመሻማትና ተእንጉዳይን እንገት የሚገቱ ኬሚካሎችን ማመበጨት 70%
በፈንገስ የሚከሰቱ በሽታዎች ሻጋታንና ፍሩት ቦዲ የፍሩት ቦዲ በቀላሉ መሰባበር፣ ቀለም መቀየርና ማበስበስ 70%
ባክቴሪያ ብራውን ስፖት (Pseudomonas strutzeri) ፍሩት ቦዲ የፍሩት ቦዲ በቀላሉ መሰባበር፣ ቀለም መቀየርና ማበስበስ 27-37%
የሎው ብሎች (Pseudomonas agarici) ፍሩት ቦዲ የፍሩት ቦዲ መጨጭና በቀላሉ መሰባበር፣ መጥፎ ሽታ በሽተት
ባክቴሪያል ብሎች (Pseudomonas alcaligens) ፍሩት ቦዲ የፍሩት ቦዲ በቀላሉ መሰባበር፣ ቀለም መቀየርና ማበስበስ 27-37%

ከላይ እንደተገለፀው በባክቴሪያና በቫይረስ በሚከሰቱ በሽታዎችና በተባዮች በኦይስተር እንጉዳይ እድገትና ምርታማነት ላይ ብዙ ጉዳት ያደርሳሉ። እንደ የሎው ብሎች፡ ባክቴሪያል ሮትና ብራውን ስፖት ከ 27-37% በላይ የሆነ የምርት ውድመት የሚያስከትሉ በባክቴሪያ የሚከሰቱ በሽታዎች ናቸው። ተቀናቃኝ ሞልዶችና በሸታ አምጪ ፈንገሶች የኦይስተር አንጉዳይን ምርት  እስከ 70% ሊያሳጡ የሚችሉና ከዘርፉ የሚገኘውን ኢኮኖሚያዊ ጥቅም በእጅጉ የሚያስቀሩ ችግሮች ናቸው።

በሌላ በኩል ደግሞ የኦይስተር እንጉዳይ እርሻ ላይ የሚከሰቱ ተባዮች ሲሆኑ እነዚህም እንደ ጥቃት መጠኑ ሁኔታ ምርታማነትን እስከማሳጣት የሚያደርሱ ናቸው። ከእነዚህም መሀከል እንደ ፈንገስ ናት ላርቫ(Fungus gnat)፣ ስለግ፣ ምስጥ፤ ሸረሪትና ሌሎች የበራሪ ነፍሳት ላርቫ ዋናዋናዎቹ ናቸው።

 

Spawns! Big Discount!

HIGH-YIELDING, SUPERIOR QUALITY

MUSHROOM SPAWNS

The Elixir spawn laboratory, the sister Enterprise of Elixir Mushroom is glad to announce that it has made available,  HIGH yielding spawns of shiitake and Oyster strains for sale.

Order Now!

We receive Customers’ Orders from EVERY PART OF THE COUNTRY, & Send our products to customers where they are, with the best transport medium available. CUSTOMERS NOT NECESSARILY SHOULD APPEAR IN PERSON.

Our packaging method ensures full protection against product damage that might occur during long distance transport. 

See our products page

 

የአንጉዳይን ዘር /ስፓውን/ አቅርቦት

ብዙዎች እንጉዳይን ለማምረት ቢፈልጉም የአንጉዳይን ዘር /ስፓውን/ አቅርቦት ውስን በመሆኑና፤ በእንጉዳይ ንግድ የተሰማሩ ኢንተርፕራይዞች ለአሰለጠኑዋአው ደንበኞቻቸው ብቻ ስለሚሸጡ ወይንም ስለሚያስቀድሙ የእንጉዳይን ዘር ማግኘት ከባድ አድርጎታል። የእንጉዳይን ዘር ማምረት በመስኩ የሚፈለገው እውቀትና የማይሲሊያ ባህሪን በመረዳት ምርታማ የሆነንና ያልሆነን ማይሲሊያ የመለየት ልምድ ማካበትን የጠይቃል። አንዲሁም ምርታማም የሆነ የእንጉዳይ ዘር አይነት /ስትሬይን/ ብዙ ግዜ ሲባዛ ስለሚያረጅ የሚሰጠው ውጤትም ውስን ይሆናል። ይህንንም አጢኖ የዘሩን አይነት /ስትሬይን/ በወቅቱ መቀየር እያደገ ላለው የመሽሩም ኢንዱስትሪ ትልቅ አስተዋጽዖ አንደሚኖረው አያጠራጥርም።

ኢሊክሰር መሽሩምስ! በእንጉዳይ ዘር ምርምርና በኦይስተር መሽሩም ዘር አቅርቦት ላይ እየሰራ ይገኛል። በእንጉዳይ ዘር ምርምሩም በአዳዲስ የኦይስተር ስትሬይን ዘሮችን ማዘጋጀት ከመቻሉም በተጨማሪ በአገለገሉ ጠርሙሶች በቻ ተወስኖ የነበረውን የዘር ምርት በፕላስቲክ ባግ በመቀየር የዘር አቅርቦትንና የዘር ዋጋን በእጅጉ አሻሽሏል። ከዚህም የተነሳ በሐዋሳ ብቻ ተወስኖ የነበረውን አገልግሎቱን አዲስ አበባን ጨምሮ ወደ ክልል ከተሞች አያዳረሰ ይገኛል። የዘር ምርቶቻችንም በባለ 250 ግራም፤ 500 ግራምና ባለ 1 . . ፕላስቲክ ባግ ተዘጋጅተዋል። ዋጋችንም የህበረተሰባቸንን አቅም ያማከለ ነው።

የኦይስተር እንጉዳይ ዘር ከፈለጉ መጠኑናና የዕሽግ ክበደቱን ጠቀሰው በሚቀጥለው አድራሻ የጠይቁን! ፈጣን ምላሽ አንሰጥዎታለን። 

ስልክ:    09 21 45 28 26  ኢሜይል: elixirmushrooms@gmail.com 

For updated information about our products click here